ഞാൻ ചെയ്ത കൊല!!!(3)#

       ഞാൻ ചെയ്ത കൊല!!!(3)# 

"മാരക വിപത്തിന്റെ അടയാളമായ 'കൊതുകി'-നെ നായകവല്ക്കരിച്ചു കൊണ്ട് ഞാൻ എഴുതിയ ഈ കവിത,പൊടിമീശ മുളയ്ക്കുന്ന യുവത്വത്തിൻറെ,ചുടു ചോരച്ചുവയുള്ള പൊളിറ്റിക്കൽ ട്രിക്സ്-ൻറെ അനവസ്യകതയെ ചോദ്ധ്യം ചെയ്യൽ കൂടിയാണ്.......!". 
                                                                                                                               അഞ്ജലി കൃഷ്ണ G     
അന്ന് ഞാനൊരു ശവസംസ്കാരം നടത്തി 
മെതിയടി പതിഞ്ഞ് മണ്ണോടലിഞ്ഞ ചവറുകൾ,
ചികഞ്ഞു മാറ്റി ഞാനാ ധീര യോദ്ധാവിന്നു എന്റെ,
സ്വന്തം  മണ്ണിൽ ഒരു ശ്മാശാനമൊരുക്കി.
    ഒരിക്കൽ തിണ്ണയോടൊട്ടി ഞാനാ-
    ചുടുകാപ്പി വലിച്ചു കുടിക്കുമ്പോൾ,
    മൂളലായ് അപശ്രുതി കൊണ്ടെന്നെ വലം 
    വച്ച കൊതുകിനെ ഞാനടിച്ചു കൊന്നു!! .
ചെറിയ തെറ്റുകളിൽ കൂമ്പുന്ന എന്റെ കരങ്ങൾ 
ആ വലിയ തെറ്റിനായ് ഉയർന്നതെന്തേ????
എന്റെ കയ്യുകൾ നിൻറെ ശരീരത്തെ 
ആഞ്ഞടിച്ചുവല്ലേ????????
  മാനുഷിക കീഴ്വഴക്കത്തിൻ പിന്മുറക്കാരനായ് 
  ഞാനും ഒരു കൊലപാതകിയായിരിക്കുന്നു!.
  ആകുലതയുടെ മുറുക്കൻ ആശയങ്ങൾ 
  മനസ്സിൻറെ സ്വസ്ഥത തട്ടിമറിച്ചു....
ശരീരത്തെ ചെറിയ സൂചിമുനയിൽ മനുഷ്യ-
ദേഹത്തെ വേദനിപ്പിക്കുകയല്ല നീ,
ഹിന്ദു,മുസ്ലിം,ക്രൈസ്തവ രക്തത്തിൽ 
മായാവിയായ് മൂളക്കങ്ങളിൽ മന്ത്രങ്ങൾ
                                                               സൃഷ്ടിക്കുന്നു.
ധാരാളത്തത്തിൻറെ പ്രത്യയ ശാസ്ത്ര-
ത്തിൽ നെഗറ്റിവായ് വശങ്ങളെ വലിച്ചു 
                                               കുടിച്ചു ദാഹമകറ്റീടുന്നു.
ജാതി ഭേതമില്ലാതെ ചുടു രക്തം ഊറ്റി കുടിക്കുന്ന 
നിൻ ജാതിയെന്തെന്നറിയുവാൻ എൻ മനം 
ശങ്കിച്ചതും നിൻ മരണശേഷം.
എന്നിട്ടും ജാതി വരച്ചു തീർത്ത ചുവപ്പിൻറെ 
ഭീകരത മനുഷ്യമനസ്സിൽ വീണ്ടും ലക്ഷ്മണ 
                                                               രേഖ വരച്ചിടുന്നു.
ഭൂത കാലത്തിന്റെ പച്ചനിറഞ്ഞ സൗന്ദര്യം 
വിമ്മിട്ട മാകുന്ന ആധുനികതയുടെ സൌഭാഗ്യമോ?
നീ...അതോ ജാതിപ്പേരിൽ ചോര പൊടിക്കുന്ന 
യ്യവ്വന കുതിപ്പിന്റെ പടയാളിയോ??????????
പല കുറി കണക്കെ പല പല രക്തക്കണങ്ങൾ 
സ്വന്തം നെഞ്ചിലേറ്റി ഒരു ബ്ലഡ് ബാങ്കായി,
നീ വേഷം പകർന്നിടുമ്പോഴും,സോദരാ.....
നിൻറെ മരണം ഞങ്ങളുടെ കൈരേഖയിലെ 
ഒരു ചോരത്തുടിപ്പായ് മാറിടുന്നു.
രക്ത സാക്ഷികളുടെ ചുവന്ന നാടയിലെ 
കള്ളം പറയാത്ത സത്യാന്യേഷകനാണ് നീ.
മരണം ജീവിതമാക്കുന്ന വേളയിൽ 
ഗാന്ധിതൻ ആദർശ ബന്ധങ്ങളിൽ -
പെട്ടുഴറുന്ന സന്മാർഗ്ഗി,തേജസ്സിൽ 
കർമ്മയോഗിയോ നീ...............!
ശാന്തമായ് പാറിപ്പറന്നു നീ,ഉയരങ്ങൾ 
കീഴടക്കുന്നു നവോത്ഥാന നായക കൊതുകേ........
നിൻറെ ശരീരം ഹർഷാരവങ്ങൽക്കുമേൽ
                                                                 കിളിർക്കട്ടെ....
ഇന്നു ഞാനാ സത്യം മനസ്സിലാക്കുന്നു 
അപാരതയുടെ മൂളലല്ലതു,
ജാതി നീചത്വങ്ങൾക്കെതിരെയുള്ള 'മുദ്രാവാക്യം'!!!!!!
                  ;;;;;;;;;;;;;;;;; ;;;;;;;;;;;;;;;;;;;;;;;;;;;;;;;;;;;;;അഞ്ജലി കൃഷ്ണ.G;;;;;;;;;;;;
# പാടിവട്ടം ശാഖാ കുടുംബ സംഗമം 2015 'ഓണാഘോഷം'പരിപാടിയോടനുബന്ധിച്ചു നടന്ന കഥാ,കവിതാ മത്സരങ്ങളിൽ നിന്ന് തിരഞ്ഞെടുത്തു - ആഗസ്റ്റു 29-നു മത്സര വിജയികളെ പ്രഖ്യാപിച്ചു. 
അഞ്ജലി കൃഷ്ണ.G-ഒന്നാം സമ്മാനം കരസ്ഥമാക്കി.
---------------------------------------------------------------------------------------------------------------------------------------------------------------
ആര്യപ്രഭ