പൈതൃകം

                           'പൈതൃകം'
പണ്ടുകാലം മുതൽക്കു നാം നാടിന്റെ-
പൈതൃകം കാത്തു രക്ഷിച്ചു പോന്നവർ!
പണ്ടു നമ്മുടെ പ്രായത്തിനൊത്തപോൽ-
പ്രായമായോരെ! മാനിച്ചിരുന്നവർ !!
   ഇന്നിതെല്ലാം മറന്നതോ?...മാറിപോൽ-
   ഇല്ലിതാർക്കും മഹത്വമതേകുവോർ!
   ഇല്ലമതിങ്കൽ നിറഞ്ഞങ്ങു നില്ക്കുന്ന-
   വല്ലഭനാകിയ 'താതനെ'പോലുമേ!!
വിട്ടുവീഴ്ചക്കിതാർക്കും തരമില്ല
വീട്ടിലാർക്കുമതിനില്ല നേരവും..
വീടു വിട്ടു പുറത്തായി പോകുകിൽ-
വെട്ടു പോത്തിന്,സമമതു നിർഭയം!
  കിട്ടിടാതുള്ള സ്നേഹമതൊന്നിനെ-
  കട്ടെടുക്കുവാനാകില്ലൊരിക്കലും!.
  കിട്ടിടേണമതുള്ളാലെ സർവ്വഥാ-
  കെട്ടുവീണു കിടക്കണം ബന്ധങ്ങൾ!!
മാനിക്കുവാനായതു തോന്നണം-
മാന്യമായുള്ള ജീവിത ശൈലിയിൽ!
മാന്യത നമ്മൾ ആർക്കു കൊടുക്കിലും-
മാനമായതു നമ്മളിൽ  വർഷിക്കും!!!
______________________ രഘു കല്ലറയ്ക്കൽ 
ആര്യപ്രഭ